डाक्टर दंगाल संगै भारत र श्रीलंकाका दुई महिलाले पाएको अन्तराष्ट्रिय अवार्ड एशियाकै प्रख्यात

बोलीचाली संवाददाता
चरिकोट अस्पतालका प्रमुख डाक्टर विनोद दंगालले एशियाकै उत्कृष्ट अवार्ड प्राप्त गरेका छन् । 

 दुर्गम गाउँमा बसेर स्वास्थ्य सेवा र सामाजिक विकासमा उत्कृष्ट काम गरेको भन्दैे एसिया अवार्डले उनलाई उत्कृष्ट डाक्टरको अवार्ड दिने निर्णय गरेको हो । यो एशियाकै लोकप्रिय अवार्ड हो । 

अवार्ड दिने संस्थाको कार्यालय भारतको तामिलनाडु र मलेसियामा रहेको उक्त संस्थाको वेभसाईटमा उल्लेख छ । मंगलबार वेभसाईटमा राखिएको विवरण अनुसार दंगालले नेपालको दुर्गम जिल्ला दोलखामा बसेर १० बर्ष भन्दा बढी एउटै अस्पतालमा काम गरेर निशुल्क स्वास्थ्य सेवा प्रदान गरेको उल्लेख छ । यस्तै संस्थाले उनले काम गरेको अस्पतालका स्वास्थ्य सेवाको विवरण राख्ने बिद्युतिय प्रणालीलाई संस्थाले उत्कृष्टताको आधार समेत भनेको छ । दंगाललाई २०२० र २१ को उत्कृष्ट अवार्ड दिईएको हो ।  

मंगलबार सार्वजनिक गरिएका तिन ओटा अवार्ड मध्ये एशिया भरीमै स्वास्थ्य तथा सामाजिक सेवाको अवार्ड दंगाललाई दिईएको उल्लेख छ । यस्तै संस्थाले मंगलबार घोषणा गरेका अवार्ड मध्ये भारतको राजस्थानकी योगा प्रशिक्षक श्रुती कृष्णलाई योगाको माध्यमबाट मानव कल्याणको क्षेत्रमा उल्लेखनिय योगदान पु¥याएको भन्दै उत्कृष्ट महिला अवार्ड दिने घोषणा गरेको छ । उडिसा राज्यको रैरंगपुर गाउँमा जन्मिएर सानै देखी योगाको माध्यमबाट सामाजिक काम गर्दै आएकी कृष्णा राजस्थान आसपासमा योगा थेरापिष्टका रुपमा चर्चित छिन् । 

यस्तै श्रीलंकाकी सौन्दर्य सामग्री उत्पादक कम्पनी अरोमा बिल्स सेलोनकी सञ्चालक अछिनी जयसिंगेले समेत उत्कृष्ट महिला ‘रोल मोडल’ को अवार्ड पाएकी छिन् । २०१७ मा स्थापना भएको उनको छालाजन्य सौन्दर्य सामग्री तिन बर्षमै अन्तराष्ट्रिय रुपमा ख्याती प्राप्त बनेको थियो । 
यस अघि गत मार्च महिनामा नेपालका दिनेश श्रेष्ठलाई दक्षिण एशियाकै उत्कृष्ट प्रधानाध्यापक अवार्ड, दिपिका श्रेष्ठलाई उत्कृष्ट महिला उद्यमी अवार्ड, मनोज भट्टराईलाई उत्कृष्ट व्यवसाय अवार्ड र राजेन्द्र श्रेष्ठले साना नानीहरुलाई पढाउने उत्कृष्ट प्रि स्कुल अवार्ड पाईसकेका छन् । 

यो अवार्ड भारतको तालिम नाडुमा अक्टोबर २० मा हस्तान्तरण गरिने वेभसाईटको उल्लेख छ ।