मिटरब्याज पिडित खाेज्दै दाेलखा प्रहरी

मिटरब्याजमा संलग्नलाई कारबाही अभियान थालेकाे दाेलखा प्रहरीले मिटर ब्याजबाट पिडित बनेकाहरुकाे खाेजी शुरु गरेकाे छ ।

मिटर ब्याजबाट चर्काे रकम असुल्ने र अपराध गर्नेहरु जिल्लामा बढे संगै जिल्ला प्रहरी कार्यालयले त्यसबाट पिडित बनेकाहरुकाे खाेजी थालेकाे हाे ।

केही दिन अघि दाेलखा प्रहरीले मिटरब्याजमा संलग्न राैतहटका तेजबिक्रम कार्कीलाई एमालेकी निवर्तमान सांसद रेखा झाकाे ललितपुर स्थित फ्ल्याट बाट पक्राउ गरेकाे थियाे । तेजबिक्रमले दाेलखाका प्रकाश कार्कीलाई मिटरब्याजमा रकम लगानी गरेर पटक पटक अपहरण गरेकाे र बन्धक बनाएकाे पिडितले बताएका छन् ।तेजबिक्रमले प्रकाशलाई १ करोड लगानी गरेर १२ कराेड असुलेका थिए । पटक पटक रकम दिदै आएपनि राैतहटकाे आफ्नो साईटमा निर्माण सामग्री नियन्त्रणमा लिने, कब्जा गर्ने गरेकाे उनकाे आरोप छ ।

जिल्ला प्रहरी स्राेतका अनुसार निवर्तमान सांसद झा र तेजबिक्रम व्यवसायीक पार्टनर रहेकाे देखिएकाे छ । ‘झा र कार्कीकाे व्यवसायीक सम्बन्ध रहेकाे अनुसन्धान बाट देखिन्छ’ जिल्ला प्रहरी स्राेतले भन्याे – ‘हाललाई तेजबिक्रमलाई म्याद थप गरेर अनुसन्धानमा राखेका छाैं, केही प्रमाणका आधारमा झालाई समेत बयानका लागि बाेलाउदैछाैं’ । तेजबिक्रमबाट पिडित भएकाहरु धमाधम प्रहरीकाे सम्पर्कमा आईरहेकाे जिल्लाका प्रहरी प्रमुख डिएसपी गंगा पाैडेलले जानकारी दिए ।

प्रहरीले जिल्लाका अन्य मिटरब्याजीबाट पिडित भएकाहरुकाे पनि खाेजी शुरु गरेकाे छ । जिल्लामा त्यसबाट पिडितहरु थुप्रै रहेकाे जानकारी पाएपछि उनिहरुलाई सम्पर्कमा ल्याउन खाेजी भईरहेकाे पाैडेलले सुनाए ।

चरिकोट-मुडे सडकका निर्माण व्यवसायीले मिटर ब्याजीहरुबाटै पिडित भएका कारण साईटबाट डुबेर हात झिक्नुपरेकाे थियाे । उनी अहिले कसैको सम्पर्कमा छैनन् । दाेलखा नैलस्थायी घर भएका मिटरब्याजीहरुकाे चंगुलमा उनी नराम्रो संग फसेका थिए ।

चरिकोट सहित जिल्लाका थुप्रै व्यवसायीलाई काठमाडौं बसेर गाडीकाे रिकण्डिसन चलाउदै आएका एक जना मिटरब्याजीकाे कराेडाैं लगानी छ । रकम उठाउन उनले गुण्डा प्रयोग गर्ने गरेका छन् । उनीबाट पिडित मैनापाेखरी बजारका एक जना व्यवसायी केही दिन अघि प्रहरीकाे अनाैपचारिक सम्पर्कमा आएका थिए ।

तेजबिक्रमका पछाडी दोलखा जिल्लाका केहीको संलग्नता हुन सक्ने प्रहरी आशंका छ। केही दिन अघि जिल्लाका केही प्रभावशाली व्यवसायी र मिटरब्याजी उपर जिल्ला प्रशासनमा मुद्दा परेको थियो। सदरमुकाम चरिकोटका एक जना प्रतिष्ठीत व्यवसायीका छोरासहित प्रभावशाली व्यक्तीहरुविरुद्ध परेको चर्को मिटर ब्याज र ठगी सम्बन्धी उजुरी बिभिन्न दबाबमा जिल्ला प्रशासनबाट मिलापत्र गराएर पठाईएको थियो । प्रहरीले पिडितहरुको खोजी कार्य जारी राखेको जनाएको छ। पिडितहरुलाई सम्पर्कमा आउन जिल्ला प्रहरी कार्यालयले आग्रह गरेको छ।