उद्वब काफ्लेकाे अध्यक्षतामा देवी न्याैपाने स्मृति प्रतिष्ठान गठन

दाेलखा कांग्रेसका पूर्व जिल्ला सभापति देवी न्याैपानेकाे स्मृतिमा देवी न्याैपाने स्मृति प्रतिष्ठान गठन भएकाे छ ।

पार्टीका पूर्व जिल्ला सभापति उद्वब राज काफ्लेको अध्यक्षतामा ११ सदस्यीय प्रतिष्ठान गठन गरिएकाे हाे ।
प्रतिष्ठानकाे उपाध्यक्षमा सुवास न्याैपाने, सचिव शुकदेव काफ्ले, काेषाध्यक्ष सविता न्याैपाने छन् ।

समितिका सदस्यहरुमा केशबराज चाैलागाई, प्रभुराम श्रेष्ठ, ताराकुमार खड्का, रेखबहादुर अधिकारी (कुमार), श्यामसुन्दर तामाङ, उज्ज्वल सुवेदी, राेदना घिमिरे छन् ।

शनिबार बिहान राजधानीमा बसेकाे प्रतिष्ठानकाे कार्य समितिकाे पहिलो बैठकले न्याैपानेकाे सम्झनामा जिल्लामा राजनितीक तथा वैचारिक प्रशिक्षण चलाउने निर्णय गरेकाे सचिव काफ्लेले सुनाए । यस्तै हरेक बर्ष बैशाख ९ गते स्मृति दिवसलाई निरन्तरता दिने र जिल्लाका अग्रज राजनितीकर्मीलाई सम्मान गर्ने निर्णय भएको समेत उनले सुनाए । समितिका सदस्य प्रभुराम श्रेष्ठले समितिको सञ्चालनका लागि एक लाख रुपैयाँ सहयोग गरेका छन् ।