युवा व्यवसायी सुदिप घिमिरेको नेतृत्वमा यस्तो बन्यो ‘क्यान’ दोलखाको नयाँ कार्य समिति

- bolichali

२१ मंसिर २०७९, बुधबार

कम्प्युटर एशोसियसन अफ नेपाल (क्यान)दोलखा शाखाको अध्यक्षमा दोलखाका युवा व्यवसायी सुदिप घिमिरे चयन भएका छन् ।

मंगलबार सदरमुकाम चरिकोटमा सम्पन्न ११ औं बार्षिक साधारण सभाले घिमिरेलाई अध्यक्षमा निर्वाचित गरेको हो । दोलखाको वैत्येश्वर गाउँपालिका वडा नं ६ स्थायी निवासी घिमिरे काठमाण्डौको बागबजारमा डिआईटी सोलुसन नामक कम्पनी चलाएर कम्प्युटर तथा सफ्टवयर क्षेत्रको बिजनेसमा ख्याती कमाएका छन् । उनी टिष्टा काँगडा मिडिया प्रालिद्धारा सञ्चालित बोलीचाली डट कम अनलाईनका प्रमुख प्राविधिक अधिकृत हुन् ।

यस्तै अधिवेशनले उपाध्यक्षमा सिताराम दाहाल, सचिवमा भरत खत्री, सहसचिव शंकर श्रेष्ठ र कोषाध्यक्षमा कैलाश बुढाथोकीलाई निर्वाचित गरेको हो । कार्य समिति सदस्यमा कमला खड्का, नविन काफ्ले, संजीत श्रेष्ठ चयन भएका छन् ।