भीमेश्वरमा गठबन्धनले चुनावी सभा नगर्ने, २७ सय स्वयंसेवक घरदैलोमा खटाईए

जिल्लाकाे सबैभन्दा ठुलाे र धेरै मतदाता भएकाे भीमेश्वर नगरपालिकामा कांग्रेस नेतृत्वकाे गठबन्धनले नगरस्तरिय चुनावी सभा नगर्ने भएकाे छ ।

वडा तथा टाेल भेला तथा सभाहरु सकेकाे गठबन्धनले नगर स्तरीय चुनावी सभा नगर्ने कांग्रेसका नगर सभापति शंकर कार्कीले बताए । नगर सभा र शक्ति प्रदर्शनकाे साटाे टाेल तथा घैरदैलाे केन्द्रित भेला र मतदाता शिक्षालाई अन्तिम समय सम्म जारी राखिने कार्कीले सुनाए ।

उनका अनुसार हरेक वडामा तीन सय जनाका दरले माैन अवधि शुरु हुनु अघि सम्म २७ सय स्वयंसेवकले घरदैलाेमा पुगेर मतदाता शिक्षा दिलाउनेछन् । ‘२०७४ काे स्थानीय निर्वाचनमा याे नगरमा २३ सय मत बदर भयाे, त्याे मध्ये रुख चिन्हमा समेत लागेकाे मात्र १७ सय थियाे’ उनले भने – ‘यस पटक त्यसरी मत बदर हुन नदिने गरि मतदाता शिक्षामा जाेड दिनेछौं, हाम्रा २७ सय स्वयंसेवकले मतदाता शिक्षा दिनेछन्’ । कार्कीले स्वयंसेवक गत साता देखि नै टाेलमा रहेकाे सुनाए ।
यता एमालेले भने २६ गते चरिकोटकाे सातदोबाटो चाेकमा नगर स्तरीय सभा गर्दैछ । भीमेश्वर नगरपालिकामा गठबन्धनबाट कांग्रेसका ईश्वर मानन्धरले मेयर एकीकृत समाजवादीका संगीता पाख्रिनले उपमेयरमा उम्मेदवारी दिएका छन् । उनिहरुलाई कांग्रेस, माओवादी केन्द्र र एकीकृत समाजवादीकाे साथ छ ।

एमालेबाट हरिवंश चाैलागाई मेयर र कमला बस्नेत उपमेयरमा मैदानमा छन् ।