दोलखाका पुरोहितहरुको गुनासो – घर घरमा पुग्ने हामीलाई पनि खोप चाहियो

बोलीचाली संवाददाता
दोलखा ५ साउन । सरकारले नागरिकका लागी लगाईरहेको कोरोना विरुद्धको खोपमा सबै क्षेत्रका फ्रण्टलाईनर समेटेपनि जजमानी पेशा गर्ने पुरोहित गुरुहरु नसमेटेको भन्दै उनिहरुले गुनासो गरेका छन् ।
फ्रण्टलाईनर भनेर सबै क्षेत्रका नागरिकलाई खोप लगाएपनि आफुहरुलाई खोप लगाउन आनाकानी गरेको उनिहरुको गुनासो छ । ‘हिन्दु संस्कार अनुसार जन्मिदा न्वारान देखी मृत्यु संस्कार सम्मका काम गर्न हामी यजमानहरुको घर घरमा पवुग्छौं’ चरिकोटका पुरोहित रामचन्द्र सुवेदीले भने – ‘हामी त अत्याधिक जोखिमममा छौं नि’ । उनले जजमानी पेशा गर्ने पुरोहितहरुलाई तत्काल खोप लगाईदिन आग्रह गरेपनि सुनुवाई नभएको गुनासो गरे ।
पुरोहितहरुको गुनासो जिल्लाका एक जना पत्रकारले सोमबार जिल्लाका प्रहरी प्रमुख डिएसपी भेषराज रिजाललाई सुनाएका थिए । जिल्ला खोप व्यवस्थापन समितिले तत्काल पुरोहितहरुको विवरण मगाउने तयारी गरिरहेको र एक दुई दिन भित्र जिल्ला आईपुग्ने भेरोसिल खोप बाट पुरोहितहरुका लागी खोप व्यवस्था गरिने जिल्लाका प्रहरी प्रमुख रिजालले सुनाए ।
दोलखाको भीमेश्वर नगरपालिकामा मात्र २५ जना बढी सक्रिय पुरोहितहरु छन् ।