यस्तो बन्यो रुद्रबहादुर खड्काको टिम

- bolichali

१२ आश्विन २०७८, मंगलवार

नेपाली कांग्रेस दोलखाको १५ गते हुने अधिवेशनमा वर्तमान सभापति रुद्रबहादुर खड्काले प्यानल घोषणा गरेका छन् ।

सोमबार दिउसो सदरमुकाम चरिकोटमा पत्रकार सम्मेलन गरी प्यानल घोषणा गरेका खड्काले जिल्लाका सबै भेगको प्रतिनिधित्व हुने गरी समावेशी प्यानल दाबी गर्दै टिम घोषणा गरेका हुन् ।

खड्काको प्यानलमा वैत्यश्वर गाउँपालिकाका अध्यक्ष छवि लामा र कालिञ्चोक गाउँपालिका ७ का अर्जुन शिवाकोटी उपसभापति उम्मेद्धार बनेका छन् । लामा यस अघि क्षेत्र नं १ को क्षेत्रीय सभापति र शिवाकोटी कालिञ्चोक गाउँपालिका कार्य समितिको सभापति थिए ।

यस्तै सचिवद्धयमा वर्तमान सचिव सुर्यबहादुर आचार्य र महेश्वर काफ्ले छन् । आचार्य कालिञ्चोक ८, र काफ्ले तामाकोशी १ बाट प्रतिनिधित्व गर्छन् ।

सहसचिवमा भीमेश्वर ३ का वडाध्यक्ष एवं वर्तमान सहसचिव हरिशरण शिवाकोटी र वर्तमान कार्य समिति सदस्य पासाङ शेर्पा उम्मेद्धार बनेका छन् । शिवाकोटी रुद्र खड्का र अर्का सभापति ताराकुमार खड्काको प्यानलबाट साझा उम्मेद्धार बनेका छन् ।

जिल्ला अधिवेशनमा ४ जना सभापतिका उम्मेद्धार हुने भएका छन् । बर्मा लामाले समेत बुधबार सम्म टिम घोषणा गर्ने बताएका छन् भने ताराकुमार खड्काले यस अघि नै टिम बनाईसकेका छन् । केशबराज चौलागाईले भने आफुले टिम नबनाउने बताउदै आएका छन् ।