चार महिनामै मेटियो दोलखा कांग्रेसको शिलालेख

- bolichali

२० असार २०७८, आईतवार

बोलीचाली संवाददाता
दोलखा ५ साउन । अधिवेशन नजिकिएर चहलपहल बनेको दोलखा कांग्रेसमा जग्गा खरिद र भवन निर्माण गर्न सहयोग गर्नेहरुको नामावली टासिएको शिलालेख चार महिनामै मेटिएको छ ।

गाउँबाट झण्डै १६ सय कार्यकर्ता आउने जिल्ला अधिवेशन नजिकिदै गर्दा चहलपहल बढेको कांग्रेसको जिल्ला कार्यालयको शिलालेख चार महिनामै मेटिएको हो ।

पार्टीको कम्पाउण्ड निर्माण र जग्गा खरिदमा सहयोग गर्नेहरुको विवरण शिलालेखमा राखिएको थियो । ‘अधिवेशनमा जिल्लाभरका कार्यकर्ता आउछन’ एक सदस्यले भने – ‘यस्तो बेलामा कार्यकर्ताले हेर्न खोज्ने शिलालेख मेटिएको छ’ ।
पार्टीका जिल्ला सचिव सन्तोष रिमालले मेटिएको शिलालेख छिट्टै पुनः लेखिने सुनाए ।