चरिकोटमा कृषि औजार तथा उपकरणको बिक्री घट्यो

बोलीचाली संवाददाता
दोलखा ५ साउन । दोलखामा कृषि उपकरण तथा औजारको बिक्री घटेको छ ।
व्यवसायीहरुका अनुसार कृषि क्षेत्रमा लगानी बढेपनि बजार सुनिश्चितता नभएका कारण किसानको आयस्रोत घटेकाले उपकरण तथा औजारको बिक्री वितरण घटेको हो ।
चरिकोट बसपार्क स्थित तामाकोसी हेभी ईक्विपमेन्ट एण्ड जनरल सप्लायर्सका सञ्चालक रामजी प्रसाद चौलागाईका अनुसार अघिल्लो बर्षको पहिलो लकडाउन पछि कृषि उपकरण तथा औजारको बिक्री घटेको हो ।
‘लकडाउयन पछि बजारको सुनिश्चितता नभएका कारण किसानमा नैराश्यता छाएकाले उपकरण तथा मेसिन औजार जोड्न लगानी गर्न डराएका कारण बजार घटेको हो’ उनले भने । उनका अनुसुार यो बर्ष चरिकोटका व्यवसायीले सरकारी अनुदान बाहेक निजी स्तरबाट उपकरण तथा औजार कमै मात्रामा बेचे ।
चरिकोटका व्यवसायीले हाते ट्रयाकटर, थ्रेसर, कम्बईन मिल, ब्रस कटर, कन्सेलर, मिलेट्रेसर, अटिघर, वाटर पम्प, जस्ता औजार तथा उपकरण बिक्री वितरण गर्दै आएका छन् । सदरमुकाम चरिकोटमा ५ ओटा यस्ता बिक्री केन्द्रहरु रहेका छन् ।