आफ्नै भवन बनाउदै दोलखा माओवादी केन्द्र

नेकपा माओवादी केन्द्र दोलखाले जिल्लामा आफ्नै कार्यालय भवन बनाउने भएको छ ।
शहिद स्मृति प्रतिष्ठानको नाममा बनाईन लागेको पार्टी कार्यालयको भवन सदरमुकाम चरिकोटमा बन्ने उक्त पार्टीले जनाएको छ ।
जग्गा खरिद पक्रियाका लागी पार्टीले सहयोग अभियान चलाएको छ । अभियानमा नेकपा माओवादी केन्द्रका युवा नेता एवं प्रदेश १ का प्रदेश सभा सांसद बिशाल खड्काले १ लाख रुपैंया आर्थिक सहयोग गरेका छन् ।
यस्तै अर्जुन दाहालले एक लाख ५० हजार, युवा नेता सुरेश उप्रेतीले एक लाख, रोहित बुढाथोकीले १ लाख, विश्वास कार्कीले १ लाख, र सुब्बा श्रेष्ठले एक लाख गरेर ६ लाख ५० हजार रुपैंया सहयोग रकमको प्रतिवद्धता जुटेको पार्टी जिल्ला कार्यालयले जनाएको छ ।
माओवादी केन्द्रको कार्यालय हाल सातदोबाटो चोकमा भाडाको घरमा बस्दै आएको छ ।